Protesta e 3 marsit për Sali Berishën do të bëhet vetëm kundër kryeministrit Rama dhe për t’i kërkuar atij mbajtjen e përgjegjësive në çështjen McGonigal.

Duke komentuar një mesazh që është shpërndarë në rrjetet sociale, ku i kërkohet demokratëve që të dalin në protestë për të mbrojtur simbolet e PD, Berisha tha se protesta do të ketë vetëm një qëllim.

“Protesta e 3 marsit është anti-Rama. Kam deklaruar, e deklaroj dhe do e deklaroj përsëri. Protesta është kundër Edi Ramës, kundër të vjedhjeve të tmerrshme që u bën shqiptarëve, kundër përzënies masive që ai u bën shqiptarëve, kundër thikës që ai futi në marrëdhëniet mes Shqipërisë dhe SHBA, kundër përpjekjeve të tij për të shkatërruar opozitën”, theksoi Berisha.

Ndërkohë sa i takon detajeve të organizimit të protestës së 3 marsit, është mësuar se ajo pritet të nisë prej orës 12 të mesditës. Sa i përket vendit të protestës, ajo do të jetë në bulevardin qendror fillimisht.

Gjatë ditës së sotme është publikuar edhe spoti i protestës, i cili ndryshe nga herët e protestave të mëparshme, mbizotërohet nga tonet dramatike që përcillen nga interpretimi i aktores Rajmonda Bulku.

LEXONI GJITHASHTU

• Berisha: Pse Yuri Kim mbështeti Lulzim Bashën e akuzuar për financime ruse?
• “Asgjë nuk e ndal revolucionin”- Berisha: Protesta e 3 marsit është kundër Ramës