Si do të renditen kandidatët në fletën e votimit

Kur na ndajnë edhe 20 ditë nga zgjedhjet e pjesshme lokale të 6 marsit, Komisioni Qendror i Zgjedhjeve ka miratuar edhe fletën e votimit në 6 bashkitë.

Sipas një shorti në Shkodër, e para renditet Majlinda Angoni e PS, i dyti Bardh Spahia nga koalicioni “Shtëpia e Lirisë” dhe i treti Xhemal Bushati nga PD.

Në Durrës, i pari renditet Ardian Muka i ‘Shtëpia e Lirisë’, e dyta Emiriana Sako e PS dhe i treti Luan Hoti, i PD.

Në fletën e votimit për Bashkinë Lushnjë e para renditet kandidatja e PS Eriselda Sefa, i dyti kandidati i PD Indrit Sefa dhe i treti kandidatit i koalicionit “Shtëpia e Lirisë” Elton Bano

Në Dibër fleta e votimit ka 4 kandidatë; i pari renditet Premtim Kryemadhi i ‘Shtëpia e Lirisë’, i dyti Luan Haka i PD, i treti Rahim Spahiu i PS dhe i katërti Drian Torba nga partia Lëvizja e Re.

Në fletën e votimit për bashkinë e Vorës, i pari renditet kandidati i koalicionit ‘Shtëpia e Lirisë’ Lulzim Vrana, i dyti kandidati i PS Blerim Sheraj dhe i treti kandidati i PD, Ymer Marku

Ndërsa në Rrogozhinë, shorti ka përcaktuar të parin Ferdinand Saraçin e PD, të dytin Edison Memollën e PS dhe të tretin Hekuran Xhanin nga “Shtëpia e Lirisë”.

LEXONI GJITHASHTU:

• Zgjedhjet e 6 marsit, 18 kandidatë për 6 kryetarë bashkie
• Celibashi: Në zgjedhjet e 2023 votim elektronik në më shumë bashki