Si mund të votojë diaspora? Ekspertja: Qeveria nuk mund të ofrojë siguri

Ekspertja e çështjeve zgjedhore Gerta Meta,  komentoi mbi protestat e diasporës në lidhje me votat e tyre në zgjedhjet e ardhshme parlamentare.

Sipas saj janë disa ngërçe mund të bëjnë të pamundur mundësinë e tyre për të votuar.

Meta tha se midis shumë problemeve qeveria Shqiptare nuk mund të ofrojë elementin e sigurisë.

“Politika nuk do që diaspora të votojë. Duke parë diskutimin shumë të ngushtë brenda komisionit dhe dialogut politik fakti është që nuk shikojmë ndonjë entuziazëm. Ideja është cila do të jetë mënyra e votimit. Nëse është me postë, Posta Shqiptare është e përjashtuar automatikisht sepse nuk e pranojnë palët. Kërkohet të përfshihet një postë e huaj, por ajo ka koston e vet. Është kërkuar dhe një cekim i kartave të identitetit, por të gjitha këto kërkojnë element sigurie dhe qeveria Shqiptare nuk ka asnjë dëshirë për të besuar në asnjë lloj oferte, por mendoj që jemi në një moment reflektimi” tha ajo.

LEXO GJITHASHTU:

• Rama: Në shtator rinisim turin me diasporën në Gjermani e Angli
• Lëvizja “Shqipëria Bëhet” dorëzon në KQZ mbi 20 mijë firma për votën e Diasporës