Si ndahen 14 mandatet në Durrës, sondazhi i Euronews Albania dhe MRB zbulon projeksionin

Barometri Politik ka prezantuar gjetjet e reja sa i takon prirjes së votës për qarkun e Durrësit. Bazuar në të dhënat e sondazhit, Partia Socialiste në Durrës pritet të marrë 7-8 mandate, Partia Demokratike 6-7 mandate dhe Lëvizja Socialiste për Integrim 0-1 mandat.

Në qarkun Durrës ku votohet për 14 mandate, nëse zgjedhjet do të mbaheshin këtë të dielë 43.3% do të votonin partinë socialiste, 36.9 % partinë demokratike, 5.4 % LSI, 2.5 % partitë e tjera ndërsa 11.9% janë votuesit e papërcaktuar. Diferenca mes dy partive kryesore është 6.4 %

Krahasuar me sondazhin kombëtar vërehet se partia socialiste ka një rritje sa i takon prirjes së votës në këtë qark me 2 % ndërsa partia demokratike një rritje me 6.1 %.

Sondazhi ka zbuluar se 14 mandatet e këtij qarku do të ndahen, nga 7-8 mandate për partinë socialiste , 6-7 mandate për partinë demokratike, dhe nga 0-1 mandat Lëvizja Socialiste për Integrim.

45.6% shohin si liderin më të përshtatshëm për postin e kryemisinistrit Edi Ramën, 38.3% Lulëzim Bashën dhe 15 % asnjë prej tyre.

Kryeministri Rama në Durrës ka të njëjtin rezultat si në sondazhin kombëtar, ndërsa vihet se një rritje e mbështetjes për Lulëzim Bashën në këtë qark.

Pavarësisht se cila parti besojnë se do të fitoj zgjedhjet 45.7% e të pyeturve sipas sondazhit dëshirojnë fitoren e partisë socialiste , 37.2% atë të partisë demokratike ndërsa 4.4% të LSI.

Sondazhi i Euronews Albania në bashkëpunim me prestigjiozen MRB u zhvillua në datat 7 mars deri në 17 mars 2021, ku u realizuan 660 intervista ballë për ballë në të gjithë qarkun e Durrësit.

Lexoni gjithashtu:

Gara për Durrësin, Barometri Politik publikon rezultatet e sondazhit zgjedhor

Menaxhimi i pasojave të tërmetit, qarku i Durrësit i vë notë qeverisë dhe opozitës

PD dhe PS në garë të ngushtë për votën e Durrësit

Projeksioni, si pritet të ndahen mandatet në Durrës