Si priten të rinjtë nga elektorati? Hysko: Problematikat janë të ndryshme, por ka entuziazëm

Deputeti i Partisë Socialiste, Eljo Hysko foli rreth shqetësimeve që adresojnë qytetarët gjatë takimeve në terren kundrejt politikës.

Ai tha në Euronews Albania se shqetësimet ndryshojnë nga një zonë në tjetër, po shtoi se kërkesat e tyre janë të adresueshme.

“Problematikat janë të ndryshme dhe në zona të ndryshme ka tipologji të ndryshme. E para ka tipologji lokale, që lidhen me pushtetin lokal, për legalizime, shërbime, kopshte dhe çerdhe. Problematikat janë të gjithfarë soji dhe janë problematika të adresueshme”, tha Hysko.

Pyetur nga gazetarja, Ilva Tare se si ndihen qytetarët kur shohin figura e të reja në takime, për këtë z. Hysko dha këtë shpjegim:

“Që të jem i sinqertë është edhe..edhe. Ka nga ata që duan burra me mustaqe dhe i duan me ca thinja mbi kokë, por ka edhe nga ata që janë entuziastë nga gjenerata e re që po vjen. Unë besoj se hyj tek ata djem brenda PS që shqetësimet që merr mundohem t’u shkoj në fund”, tha ai.