“Si të mos e lejoja?!”, psikologia e mbuluar: Vajza ime m’u lut të vinte shami

Psikologia Edlira Dyrmishaj tha në një intervistë për Euronews Albania se e bija i është lutur të vendosë shami dhe nuk mund të mos e lejonte.

Në debatin për paragjykimin ndaj vajzave të mbuluara, Dyrmishaj argumentoi se është një zgjedhje personale dhe si e tillë duhet respektuar.

“Vajza ime e ka vendosur shaminë në vitin e parë të gjimnazit. Jumna është një sportiste e lindur. Më ka lutur në plot kuptimin e fjalës për dy vjet rresht, për të mos thënë më shumë që ‘mami dua ta vendos shaminë’. Në fillim e kam parë si një fëmijë që do të imitojë nënën dhe ka qejf të dalë si nëna dhe do të imitojë nënën dhe është normale që të ndodhë kështu. Kur e pash që po insistonte shumë fillova t’i them jo sepse je herët dhe nuk e ke detyrim fetar tani. Herën e parë e binda e të dytën e të tretën, por më pas përjetova një dilemë shumë të madhe për çfarë mund të mendonte vajza ime kur unë jam me shami, ajo më lutej dhe unë i thosha jo,” – u shpreh Dyrmishaj.

Psikologia gjykoi se ndoshta e bija do të mendonte se ajo vetë është e palumtur me shaminë dhe për këtë arsye vendosi ta lejojë vajzën të bënte siç dëshironte.

LEXONI GJITHASHTU:

• Lëvizje brenda opozitës, Basha takohet me Agron Dukën dhe Dashamir Shehin
• Pedagogia Hidri: Shqiptarët nuk janë paragjykues për shaminë