Siguronte lëndë narkotike dhe e shiste, arrestohet 31-vjeçari në Fier

Një 31-vjeçar është vënë në pranga nga policia e Fierit, pasi siguronte lëndë narkotike Cannabis Sativa dhe e ndante në doza, me qëllim shitjen.

Në bazë të operacionit të koduar “Casus” u arrestua në flagrancë shtetasi J. Ç., 31-vjeç, banues në Roskovec.

Policia ka bërë të ditur se: Gjatë kontrolleve fizike dhe në banesën e 31-vjeçarit, u gjetën dhe u sekuestruan në cilësinë e provës materiale, në total, 3.6 kg lëndë narkotike Cannabis, një pjesë, e ndarë në doza; 1 peshore elektronike; një shumë parash, e dyshuar e përfituar nga shitja e lëndës narkotike dhe 2 celularë”.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

LEXONI GJITHASHTU:

• Aksident tragjik në Itali, humb jetën 7-vjeçari shqiptar, rëndë i ati