Marseja është një nga qytetet e shumta të Francës ku po zhvillohen protesta kundër reformës së pensioneve. Bëhet fjalë për grevën e pestë kundër projektit që shtyn moshën minimale të tërheqjes nga puna nga 62 në 64 vjeç.
Të shtunën e kaluar rreth 1 milion persona protestuan në mbarë vendin. Pjesëmarrja në manifestimet e së enjtes rezulton më e tkurrur, por objektivi kryesor i sindikatave franceze është të paralizojnë vendin për 7 marsin e ardhshëm.
Ndërkohë, debatet parlamentare mbi reformën po hyjnë në fazën finale në Asamblenë Kombëtare. Pas mesnatës së të premtes, drafti do të ekzaminohet përpara se t’i dërgohet Senatit.