“Sinjal i gabuar”, Kina kundërshton fuqishëm ndihmën e SHBA për Tajvanin

Kina kundërshton me vendosmëri paketën amerikane të ndihmës për sigurinë për Tajvanin në vlerë prej më shumë se tetë miliardë dollarësh, njoftoi Zyra e Çështjeve të Tajvanit në Ministrinë e Punëve të Jashtme të Kinës.

Zëdhënësi i Zyrës tha se Pekini i bën thirrje SHBA-së të përmbushë detyrimin e saj për të mos mbështetur pavarësinë e rajonit kinez të Tajvanit, si dhe të ndalojë të gjitha llojet e armatosjes së tij, tha zëdhënësi i Zyrës.

Zëdhënësi theksoi se paketa e ndihmës amerikane për Taipei “dërgon sinjalin e gabuar për forcat separatiste që mbrojnë pavarësinë e Tajvanit”, të cilën, siç tha ai, Pekini e kundërshton me vendosmëri, raportoi Reuters.

Presidentja e rajonit të Tajvanit, Tsai Ing-wen, shprehu sot kënaqësinë e saj që Kongresi Amerikan miratoi një paketë ndihme për sigurinë për Taipein.

Sot në Taipei, Tsai u takua me delegacionin e Kongresit Amerikan.

Senati i SHBA miratoi një projekt-ligj që autorizon një paketë ndihme sigurie për Izraelin, Ukrainën dhe rajonin kinez të Tajvanit me një vlerë totale prej 95 miliardë dollarësh.

LEXONI GJITHASHTU:

• Vizita e Erdogan në SHBA, koloneli zbulon se çfarë do të diskutojë me Biden
• SHBA: Serbia nuk ka bërë asnjë përpjekje për t’i gjetur sulmuesit e Banjskës