Vizita e Erdogan në SHBA, koloneli zbulon se çfarë do të diskutojë me Biden

Koloneli shqiptar Çlirim Toci në një intervistë për Euronews Albania, ka treguar arsyet se përse presidenti i Turqisë Rexhep Tajip Erdogan do të takojë homologun e tij amerikan Joe Biden.

Ai theksoi se tre pikat për të cilat do të diskutojnë janë konflikti në Gaza, bashkëpunimi në fushën e mbrojtjes dhe lufta kundër terrorizmit.

Mes tjerash ai tregoi se përse pati marrëveshje mes SHBA dhe Turqisë.

“Turqia për SHBA ka qenë një aleat shumë i rëndësishëm në NATO. Është fuqia e dytë ushtarake pas SHBA por njëkohësisht dhe një zë i fortë për Lindjen e Mesme. Ka pasur mosmarrëveshje të mëdha mes Ankarasë dhe SHBA jo vetëm për çështjen e avionëve F16, apo për përjashtmin e Turqisë nga programet e zhvillimit të avionëve  F35. Kjo nisi kur Erdogan me vendimin e tij, vendosi që të blejë sistemet anti-raketore S500 që janë shumë të zhvilluara. Kjo u kundërshtua menjëherë nga SHBA.

Tre janë pikat e rëndësishme që do të diskutoj Erdogan me Biden, e para është konflikti në Gaza, e dyta është  bashkëpunimi në fushën e mbrojtjes dhe e treta është lufta kundër terrorizmit. Vetë Erdogan e ka kritikuar administratën Biden pëe deklaratën që ata kanë thënë se do të jenë gjithmonë në mbështetje të Izraelit”-tha ai.

LEXONI GJITHASHTU: 

• Pelegrinët iranianë mbërrijnë në Mekë, për herë të parë pas nëntë vjetëve
• Si po arrestohen agjentët e Kinës në Gjermani dhe Mbretërinë e Bashkuar