Sistemi TIMS jashtë funksionit, në Kakavijë dhe Kapshticë po punohet me regjistra

Në pikat kufitare të Kapshticës dhe Kakavijës sistemi TIMS është jashtë funksionit dhe po punohet manaulisht me regjistrim në regjistra për hyrje-daljet.

Gazetari Xhensil Shkëmbi raporton se në pikën kufitare të Kapshticës po punohet me 5 sportele në dalje e 3 në hyrje. Ndërkohë që është shtuar personeli i shërbimit.

Aktualisht situata po normalizohet, pasi gjatë natës dhe mëngjesin e sotëm ka pasur radhë të gjata.

Ndërkohë, kryeministri Edi Rama ka njoftuar mëngjesin e së shtunës se hakerat iranianë kanë sulmuar sistemin TIMS.

Nëpërmjet një postimi në Twitter, kreu i qeverisë shqiptare nënvizon se po punohet pa orar me aleatët për t’i bërë të papenetrueshme sistemet tona digjitale.

LEXONI GJITHASHTU:

• Hakerat iranianë sulmojnë sistemin TIMS, thotë Rama
• Fshinë pamjet e kamerave të sigurisë, masat që morën diplomatët iranianë
• Punonjësit e ambasadës iraniane s’do largohen nga vendi me ‘charter’