Prej 24 orësh, sistemi TIMS vijon të jetë jashtë funksionit në Portin dhe Doganën e Vlorës.
Mësohet puna do të vazhdojë me regjistrat portuale duke shkruar me dore, ashtu si një ditë më parë.
Ndërsa, në pikën e kalimit kufitar të Kapshticës sistemi TIMS është rikthyer në funksion.
Sipas informacioneve zyrtare nga Drejtoria e Kufirit në juglindje, bëhet me dije se udhëtarët po kalojnë nëpërmjet sistemit teknologjik TIMS dhe jo manual, siç ndodhi ditën e djeshme.
Edhe pse në punë, sistemi ende nuk është normalizuar 100%, pasi funksionon në mënyrë të ngadaltë.
Gjithashtu, në Qafë Thanë, pikën kufitare që lidh Maqedoninë e Veriut me Republikën e Shqipërisë, sistemi është ende i bllokuar.
Kryeministri Edi Rama njoftoi mëngjesin e së shtunës se hakerat iranianë kanë sulmuar sistemin TIMS.
LEXONI GJITHASHTU
