Situata e zjarreve, prefekti i Vlorës: Erë e fortë, vështirësi në shuarjen e flakëve

Prefekti i qarkut Vlorë, Plator Nesturi, ka reaguar lidhur me situatën e zjarrit që ka shpërthyer në Delvinë, duke bërë të ditur se forcat zjarrfikëse, strukturat vendore dhe ato të emergjencave civile janë angazhuar në punë intensive për të vënë nën kontroll flakët që kanë rrezikuar zonën.

Në një deklaratë për mediat, Nesturi theksoi se operacioni për shuarjen e zjarrit është tepër i vështirë për shkak të erës së fortë dhe terrenit të vështirë, por për momentin nuk ka rrezik për banesat e qytetarëve.

Ai gjithashtu theksoi se për të parandaluar përhapjen e mëtejshme të zjarrit, është kërkuar mbështetje nga ajri. Dy helikoptere janë angazhuar në operacionin për shuarjen e flakëve dhe për kontrollin e situatës.

LEXONI GJITHASHTU:

• Situata nga zjarret, Çako: Mbi 10 mijë forca të emergjencave civile në terren
• Zjarret në Gramsh: Krijohen vatra të reja, shkrumbohen plotësisht 6 fshatra