Situata me përmbytjet, dy qarqet ku mijëra hektarë tokë janë nën ujë

Reshjet e shiut të orëve të fundit kanë shkaktuar përmbytje në disa qarqe të vendit.

Drejtoria e Gatishmërisë dhe Koordinimit të Përgjigjes Emergjente njofton se një mjet i kalueshmërisë së lartë dhe efektivë të Forcave të Armatosura janë angazhuar në ndihmë të banorëve në njësinë Ana e Malit, fshati Obot në Shkodër.

Si pasojë e reshjeve të shumta, orët e fundit aksi kryesor i kësaj rruge është bllokuar, duke e bërë të pakalueshëm nga mjetet e vogla. Ndërkohë vijon tërheqja e ujit në disa sipërfaqe toke në Bërdicë, Guri i Zi e Velipojë.

Punonjës të ARRSH janë duke punuar për pastrimin e dherave në akset Theth-Breglumi, Darragjat-Shirq, njësia administrative Dajç si dhe në rrugën e Lumit të Vlorës, në vendin e quajtur ” Qafa e Pëllumbit”.

Tërheqje të ujit ka pasur edhe nga sipërfaqet në qarkun e Lezhës, në njësinë Balldren, ish-këneta e Torovicës, në zonën e Laçit, ish kënetën e Gjonëmit.

Në të gjtha qarqet e tjera të vendit situata paraqitet normale.

“Në fshatin Kishavec, bashkia Dibër, janë evakuuar disa bagëti për shkak të depërtimit të ujit nga përroi i fshatit, ndërsa po punohet për riparimin e dëmtimeve në urën e Çikut.

Në fshatrat Toplane-Serme, njësia administrative Temal dhe në zonën e Vermoshit, punonjësit e OSHEE ndodhen në terren për rikthimin e furnizimit me energji elektrike në këto zona”, thuhet në njoftim.

LEXONI GJITHASHTU:

• Mbi 1900 hektarë tokë nën ujë në Shkodër, situata më problematike në Obot
• Tronditëse, Erdogan burgos rivalin e tij!
• Raci: Beogradi mban peng serbët e Kosovës