Situata në Kosovë dhe rezoluta për Srebrenicën, Vuçiç i drejtohet sot popullit serb

Presidenti i Serbisë Aleksandër Vuçiç, do t’i drejtohet në orën 18:00, publikut në Serbi, ku do të flasë për situatën në Kosovë si dhe për Rezolutën për Srebrenicën që pritet të miratohet në OKB.

Nderkohë Ministri i Punëve të Jashtme të Serbisë, Ivica Daçiç, ka thënë  se Komiteti i Ministrave të Këshillit të Evropës (KE) do ta shqyrtojë pranimin e Kosovës në atë organizatë, me gjasë në seancën e 16 dhe 17 majit dhe vlerësoi se se rezultati është i pasigurt.

Nuk është e sigurt se çfarë do të ndodhë, por Serbia do të luftojë, tha Daçiç në TV Prva, duke thënë se votimi me shumë mundësi do të jetë më 17 maj.

Daçiç shtoi se për momentin kjo temë ende nuk është në rend dite, por pritet të shtohet.

“Asambleja Parlamentare e Këshillit të Evropës ka përfunduar rolin e saj. Ata kanë bërë një rekomandim, por kjo nuk do të thotë se duhet diskutuar menjëherë. Disa vende shprehin rezerva, si Franca dhe Italia. Dhe kur Franca dhe Italia shprehin një rezervë, atëherë lind një pyetje e madhe, sepse atje nuk kanë shumicë qind për qind”, tha Daçiç.

Daçiç tha se kryeministrit të Kosovës Albin Kurti po i bëhet presion për dërgimin e Statutit të Unionit Serb të Komunave (SZO) në Gjykatën Kushtetuese të Kosovës dhe derisa Franca thotë se duhet përgjigja e gjykatës, disa vende të tjera thonë se është mjafton vetëm për të dërguar kërkesën.

LEXONI GJITHASHTU:

• Kurti thirrje Gjermanisë ta përkrahë Kosovën për anëtarësimin final në KiE
• Gazeta gjermane: Bojkoti i zgjedhjeve dhe kurthi i Serbisë kundër Kosovës në KiE