“Situata në Ukrainë po ndryshon dramatikisht”- Putin mban konferencën vjetore

Presidenti rus Vladimir Putin ka mbajtur konferencën e tij vjetore të fundvitit në Moskë, ku ka diskutuar për situatën e luftës në Ukrainë. Ai ka theksuar se situata po ndryshon në mënyrë dramatike në vijën e frontit dhe se forcat ruse janë duke lëvizur drejt arritjes së qëllimeve të tyre kryesore në Ukrainë.

Putin ka shpjeguar se luftimi është i vështirë dhe nuk është e mundur të parashikohet se çfarë do të ndodhë në të ardhmen, por shtoi se “Rusia është në rrugën e duhur për të realizuar qëllimet që ka vendosur në fillim të operacionit special ushtarak”.

Kur u pyet për mundësinë e shtytjes së Ukrainës jashtë rajonit të Kurskut, Putin tha se nuk mund të jepte një afat të saktë, por premtoi se territori do të “çlirohet”.

Në lidhje me rindërtimin e territoreve të pushtuara, Putin tha se qeveria ruse ka investuar në ndërtimin e infrastrukturës, duke përmendur rrugët, objektet mjekësore dhe shërbime të tjera publike. Ai theksoi se rrugët do të ndërtohen sipas “standardeve kombëtare ruse” dhe se është duke u punuar për rindërtimin e banesave, shërbimeve publike, si dhe përhapjen e objekteve kulturore dhe sociale.

Një nga projektet më të mëdha të planifikuara është ndërtimi i një unaze rrethore rreth detit Azov, që Putin e cilësoi si një det të brendshëm, si dhe lidhja e Mariupolit me Donetsk, përmes ndërtimit të një rruge të re.

LEXONI GJITHASHTU:

• VIDEO| Momenti kur vritet komandanti i armëve bërthamore në Moskë
• Njeriu famëkeq pas armëve kimike, kush është gjenerali i vrarë në mes të Moskës