Situatë kritike nga reshjet në Gjermani, gjenden 4 të vdekur në bodrumet e banesave

Katër viktima janë gjetur në bodrumet e shtëpive, pasi pjesa më e madhe e Gjermanisë jugore u përmbyt na rreshjet e mëdha të shiut.

Trupi i një gruaje 43-vjeçare, të cilën ekipet e shpëtimit e kërkonin që nga mëngjesi i së dielës, u gjet në një bodrum në qytetin bavarez të Schrobenhausen.

Më vonë të hënën, policia tha se trupat e një burri dhe një gruaje u gjetën në një bodrum në Schorndorf, afër Shtutgartit, pasi kishte rënë niveli i ujit.

Përmbytjet shkaktuan ndërprerje të gjerë të transportit, me rrugët hekurudhore që lidhin  Mynihun me veriun dhe perëndimin jashtë veprimit.

Guvernatori i Bavarisë Markus Söder tha se situata “mbetet kritike dhe e tensionuar”, me ujëra që tërhiqen në disa vende, por përmbytje të reja dhe evakuime ndodhin diku tjetër. Ai vuri në dukje se niveli i ujit pritet të rritet në qytetin e Regensburg dhe më tej në Danub.

Autoritetet kanë paralajmëruar se uji mund të rritet më tej në ditët në vijim.

LEXO GJITHASHTU

• Policia gjermane: Sulmi me thikë ku u vra polici, indikacione të qarta të islamizmit
• Eksperti: Europa po zbutet ndaj Rusisë, brenda BE është një rrymë