‘S’jam i shqetësuar për mosrikthimin si ministër’, Gjiknuri: Detyra e re, një pritshmëri e mirë

Damian Gjiknuri, i sapozgjedhur si Sekretar i Përgjithshëm i Partisë Socialiste deklaroi për mediat se detyra e re është një sfidë jashtëzakonisht e madhe.

“Është një sfidë e mirëpritur. Natyrisht që unë kam pasur lidhjet me qarkun Vlorë dhe aty kam pasur një arritje të shkëlqyer për të dyja palët e zgjedhjeve të përgjithshme. Duke u bazuar në këtë eksperiencë elektorale unë do të vazhdoj të bëj më të mirën”, u shpreh Gjiknuri.

I pyetur për mosrikthimin si ministër, Gjinkuri tha se nuk ka ndonjë shqetësim në ketë drejtim dhe se detyra e re është një pritshmëri e mirë për të.

“Nuk ka rëndësi çështja. Pozicioni i sfidës të drejtimit të Partisë Socialiste, pra nga pikëpamja e menaxhimit të përditshëm, është një sfidë jashtëzakonisht e madhe dhe unë e mirëpres dhe jam një njeri i investuar gjatë një parti. Kjo është një pritshmëri e mirë edhe për mua. Nuk kam ndonjë shqetësim për këtë”, tha Gjiknuri.

LEXONI GJITHASHTU:

• Damian Gjiknuri Sekretari i ri i Përgjithshëm i PS, Rama zbulon emrat e sekretariatit të partisë
• Kush janë ministrat e rinj në qeverinë Rama 3
• Lindita Nikolla në vend të Gramoz Ruçit, kryetare e re Kuvendit të Shqipërisë