Sjellje agresive dhe provokuese, Mitsotakis dhe Netanyahu të shqetësuar nga kërkimet për energji të Turqisë në Mesdheun Lindor

“Një sjellje agresive,” – kështu e cilësoi kryeministri i Greqisë Kyriakos Mitsotakis aksionin e Turqisë, ndërsa Greqia, Izraeli dhe Qiproja janë duke bashkëpunuar në projekte energjetike në Mesdheun Lindor.

Gjatë një vizite në Izrael dhe në një dalje të përbashkët për mediet me homologun Benjamin Netanyahu, Mitsotakis i cilësoi të paligjshme dhe provokuese incidentet e fundit me Turqinë.

Sipas tij Ankaraja ka efekte destabilizuese në raportet me Libinë.

Turqia, e cila ka shpallur një pjesë të Mesdheut lindor një zonë të përbashkët eksplorimi me Libinë, thotë se është brenda të drejtave të saj sovrane.

Të dy kryeministrat ndanë shqetësimin e përbashkët rreth kërkimit të energjisë që po bën Turqia në Mesdheun lindor.