“S’jemi palë me qeverinë”, ndërtuesit: Kërkojmë kushtetutshmërinë e akteve ligjore

Shoqata e ndërtuesve ka reaguar në lidhje me referencën e djeshme të kryeministrit për ankimimin e Shoqatës së Ndërtuesve në Gjykatën Kushtetuese.

Ata bënë me dije se vendimi i ankimimit është marrë pa ndjekur procedurën e rregullt që kanë. “Prandaj edhe kemi kërkuar tërheqjen e këtij ankimimi dhe rifutjen e kësaj çështje në procedurën e rregullt të diskutimit dhe të vendimmarrjes sonë.

Shoqata e ndërtuesve shtoi se çfarë kanë kërkuar vazhdimisht nga institucionet është respektimi i të drejtave dhe lirive të biznesit, por jo tolerimi i abuzimeve dhe paligjshmërive.

“Gjithashtu edhe kur i jemi drejtuar Gjykatës Kushtetuese në të shkuarën, kemi kërkuar kushtetutshmërinë e akteve ligjore që të garantohet veprimtaria e biznesit, të drejtat e blerësve si edhe të pronarëve të truallit,” – thuhej në njoftim.

Ata u shprehën se as kanë qenë e as do të jenë palë me qeverinë apo me ata që shkelin ligjet, por gjithmonë një aleat besnik i biznesit të rregullt dhe partner social me shtetin.

LEXONI GJITHASHTU:

• Botërori gjatë dimrit, shoqatat e futbollit: Mund të vendosen më shumë baste