S’ka gaz për Evropën, Gazprom përdor klauzolën e ‘forcës madhore’

Komania ruse Gazprom u ka dërguar një letër klientëve të saj në Evropë se nuk mund të garantojë furnizimin me gaz për shkak të rrethanave të jashtëzakonshme.

Gazprom ka përdorur klauzolën e “forcës madhore” si shkak për uljen e furnizimeve me gaz në Evropë për të paktën një klient të madh, shkruan Reuters.

Kjo klauzolë është standarde në kontratat e biznesit dhe përshkruan rrethanat ekstreme që e shfajësojnë një palë nga detyrimet e tyre ligjore.

Muajin e kaluar, Rusia reduktoi flukset në 40% të kapacitetit total të tubacionit Nord Stream 1, duke përmendur kthimin e vonuar të pajisjeve që janë për riparim në Kanada.

Gjermania dhe pjesa tjetër e Evropës po përpiqen të reduktojnë varësinë e tyre nga importet ruse të energjisë. Evropa tani ka frikë se Rusia mund të zgjasë mirëmbajtjen e planifikuar për të kufizuar më tej furnizimin me gaz evropian

Që nga marsi, Rusia ka ndërprerë plotësisht furnizimin me gaz për disa vende evropiane që nuk përmbushën kërkesën e saj për të paguar në rubla.

LEXONI GJITHASHTU

• BE në kërkim të gazit, shtetet anëtare lidhin kontrata me vendet furnizuese
• Gjermania njofton masa të reja për të ulur varësinë nga gazi rus
• BE, dakord me Izraelin dhe Egjiptin për t’u shkëputur nga gazi rus