S’ka masa të reja për COVID-in | Komiteti i Ekspertëve: Po monitorojmë situatën

Pas rritjes së rasteve ditore me COVID-19 në Kinë, të premten është mbledhur Komiteti Teknik i Ekspertëve ku thekson se situata epidemiologjike në vendin tonë paraqitet nën kontroll.

“Komiteti ynë i ekspertëve, pasi analizoi situatën epidemiologjike, në vend në Europë edhe më tej, vlerëson se do të vazhdojë të monitorojë me shumë kujdes dinamikën e kësaj situate dhe do të vlerësojë masat e marra nga vendet e tjera dhe rekomandimet e ECDC dhe të OBSH-së.

Nuk kemi akoma të dhëna nga autoritetet shëndetësore kineze për shtamet e virusit përgjegjës”, tha Mira Rakacolli, kryetarja e Komitetit Teknik të Ekspertëve.

Mesatarja e rasteve te reja ditore javen e fundit të këtij viti, është 18 raste të reja ditore.

“Incidenca dy javore eshte 8 per 100000. Ndërsa numri i rasteve aktive sot në Shqipëri eshte 195. Janë 2 pacientë të shtruar në Spitalin Infektiv dhe asnjë në njësitë e kujdesit intensiv”, u shpreh ajo.

Ekspertët ju bëjnë apel qytetarëve që të vaksinohen si e vetmja armë që të mbron nga virusi COVID-19.

LEXONI GJITHASHTU

• OBSH-ja thirrje Kinës: Ndani informacione në kohë reale për COVID-in
• SHBA kërkon teste COVID për vizitorët nga Kina
• COVID, disa vende kanë vendosur kufizime për udhëtarët nga Kina