S’kam pasur asnjë komunikim me Vuçiç për reciprocitetin, thotë Rama

Kryeministri Rama tha në konferencën e përbashkët me homologun Kurti se nuk ka pasur asnjë komunikim me presidentin serb Vuçiç sa i takon çështjes së reciprocitetit të targave.

“E drejta është me Kosovës dhe kjo është shumë e qartë,” – tha Rama ndërsa u tregua skeptik sa i takon djegies së qendrave të regjistrimit ne pikat kufitare dhe fluturimin e helikopterëve mbi këto pika.

Ndërkohë ai kritikoi dhe praninë e ambasadorit rus në kufi me Kosovën.

“Çfarë do ambasadori rus? Çfarë do të ndodhte nëse ambasadori amerikan do të shkonte në veri të Kosovës për të parë punën e Forcave të Sigurisë? Natyrisht ky është një teatër, por teatër i rrezikshëm,” – tha ndër të tjera kryeministri shqiptar.

Ambasada ruse deklaroi se “e vetmja mënyrë për të zbutur tensionet e shkaktuara nga Prishtina është ndalimi i të gjitha veprimeve të saj të njëanshme dhe kthimi në situatën para krizës”.

Sakaq Kurti tha se mëngjesin e së hënës ishte takuar me komandantin e KFOR dhe bashke me ministrin Svelca janë në kontakt me gjithë institucionet e sigurisë. Sipas tij e gjithë situata e shkaktuar nga reciprociteti i targave nuk ka të bëjë me serbët e Kosovës por me paqen edhe stabilitetin.

LEXONI GJITHASHTU:

• ‘Ballkani i hapur, rruga jonë’, Rama: E pashmangshme dita kur Serbia do ta njohë Kosovën
• ‘Kosova e ka fituar luftën’, Rama: Helikopterët në kufi, ushqim propagandistik brenda Serbisë
• Rama i cilëson manovra teatrale angazhimet e ushtrisë nga Serbia