Skandali Gjermani-Rusi/ Ministri gjerman i Mbrojtjes: Ishte pasojë gabimit njerëzor

Rrjedhja e diskutimeve mbi furnizimin e mundshëm me raketa “Taurus” për Ukrainën u bë nga një oficer që përdori një linjë telefonike të pasigurt. Kështu ka deklaruar ministri gjerman i Mbrojtjes.

Një material audio mbi konferencën e oficerëve gjermanë u publikua nga hakera rusë. Incidenti ka vënë në pozitë të vështirë qeverinë gjermane dhe ka rritur tensionet me Rusinë.

“Motivi përse biseda telefonike mes oficerëve të Forcave Ajrore u regjistrua se ishte një gabim njerëzor. Jo të gjithë pjesëmarrësit kanë akses në linja të sigurta, sikurse e kërkon procedura. Sipas të dhënave, materiali audio rrodhi nga një pjesëmarrës në Singapor, që po përdorte një linjë të paautorizuar, të stilit të hapur”- u shpreh Boris Pistorius, ministër i Mbrojtjes, Gjermani

Episodi ka intensifikuar debatet në Gjermani, me ministren e Jashtme, Analena Baerbock, që ka bërë thirrje për furnizimin e Ukrainës më raketat me rreze të gjatë “Taurus”.

Por deri më tani kancelari Olaf Scholz ka refuzuar, me argumentin se dërgimi i armatimeve do ta përfshinte Gjermaninë në luftë në mënyrë direkte.

Publikimi i materialit ka shkaktuar zemërim në Rusi, me zëdhënësen e Ministrisë së Jashtme, Maria Zakharova që ka kërkuar që Berlini të kërkojë falje për këto “veprime dëmtuese”.

LEXONI GJITHASHTU: 

• Policia nuk i përgjigjet qytetarëve, KLSH: Shërbimi 112 nuk funksionon
• 1 bebe në 365 ditë në Leskovik| Gjatë 2023 u regjistruan 4 lindje, 3 ishin emigrantë