Dy ish-murgesha i kanë bërë thirrje Papa Françeskut që të nisë një hetim të pavarur ndaj një prifti të njohur jezuit, me pretendimin se ai ka abuzuar seksualisht me to.
Pas vitesh të tëra ankesash nga murgesha të tjera, departamenti doktorinal i Vatikanit ka mbledhur të dhëna dhe po shqyrton se si të veprojë.
Duke folur publikisht për herë të parë, Mirjam Kovac dhe Gloria Branciani deklaruan se mur i heshtjes që rrethon priftin Marko Ivan Rupnik duhet të shembet.
“Institucionet, në vend që të marrin shkas nga eksperienca jonë për të rishikuar veprimet e tyre, vazhdojnë të qëndrojnë të heshtura. Një heshtje që ne e shohim si një mur gome që kthen mbrapsht çdo përpjekje për të zgjidhur këtë problem”-tha Mirjam Kovaç, viktimë e abuzimeve seksuale.
“Në të vërtetë kanë ndodhur abuzime shumë të rënda, nga të cilat humba virgjërinë dhe u detyrova të përfshihesha në marrëdhënie të tjera intime, që tregonin vuajtjen dhe neverinë time përpara këtyre kërkesave”-theksoi Gloria Branciani, viktimë e abuzimeve seksuale.
Prifti Marko Ivan Rupnik, një artist fetar që nuk ka folur për dyshimet, u dëbua nga Urdhri Jezuit vitin e kaluar dhe dyshohet se aktualisht ndodhet në vendlindjen e tij, në Slloveni.
LEXONI GJITHASHTU:
- “Qeveria kaloi me urgjencë ligjin e zonave të mbrojtura”, Çupi: Do bëhen kulla!
- SHBA| Raporti: Qeni i Biden kafshoi agjentët e Shërbimit Sekret të paktën 24 herë
