Skandali| Mësueset bënin komente raciste në WhatsApp, nxënësit i filmojnë

Ministri i arsimit të Izraelit i ka kërkuar falje nxënësve etopiano-izraelite, pasi mësueset e tyre kanë përdorur komente fyese për ta ndërkohë që ishin në një udhëtim shkollor.

Nxënëset vunë re se mësueset e tyre i dërgonin mesazhe njëra-tjetrës në një grup WhatsApp, të cilin e ishin quajtur Black School Trip.

Një nga nxënëset arriti të filmonte bisedën e tyre dhe videon e shpërndau në rrjetet sociale me mbishkrimin, “turp”.

“Mirëmëngjes të gjithë ‘edukatorëve’ të kësaj shkolle”, ka shkruar ajo. “Më trishton mua si një anëtar i komunitetit etiopian të shoh nivelin në të cilin u ulët sot. Në vend që të jeni mësuesit tanë, të jepni shembull dhe të na bëni të ndihemi më të sigurt, ju bëtë pikërisht të kundërtën. Si guxoni talleni me nxënësit tuaj, unë i pashë fotot dhe thjesht nuk mund ta besoja se vijnë nga mësuesit. Ju jeni turp, më vjen turp që jeni mësues dhe që po mësoni brezin e ardhshëm”, shkruajti nxënësja.

Reagime në lidhje me skandalin pati nga drejtori i shkollës si edhe nga ministri i Arsimit të Izraelit, të cilët e dënuan ngjarjen dhe u shfaqën të tronditur për atë që kishte ndodhur. Mësuesit e përfshirë në ngjarje janë pezulluar dhe kanë kërkuar falje për veprimin e tyre të paligjshëm.

LEXONI GJITHASHTU:

• Hipizmi në Durrës, sporti pa mbështetje që kërkon të kthehet në traditë
• Rrëfimi rrëqethës i të mbijetuarës 80 vite pas vrasjes së hebrenjve