‘S’kemi armë dhe ushqim’, historia e britanikut që do u dorëzohet rusëve

Britaniku Aiden Askin, i cili ndodhet në Ukrainë që prej vitit 2018 ka njoftuar familjarët e tij se do t’i dorëzohet forcave ruse.

Ai jeton në Mariuopol dhe që prej fillimit të luftës nuk është larguar nga qyteti.

Nëna e tij tregon se djali i saj i ka lajmëruar duke u thënë se nuk kishte zgjidhje tjetër.

“Më telefonoi dhe më tha se nuk kanë më armë për të luftuar. Unë e dua djalin tim, ai është heroi im. Ata e futën djalin tim në një luftë djalli”, shprehet nëna e tij.

Zonja Wood tha se djali i saj, një ish-punonjës i kujdesit shëndetësor,  më parë luftoi me njësitë e armatosura në Siri kundër të ashtuquajturit Shteti Islamik.

Ajo i bëri thirrje qeverisë së Mbretërisë së Bashkuar që të ofrojë më shumë mbështetje për Ukrainën.

“Boris Johnson duhet të rrëzojë Vladimir Putinin”, tha Wood.

Brennan Philips, një mik i Aslin, i cili kishte komunikuar në telefon me Askin, tha se ai dukej “i fortë dhe me humor të mirë”.

“Ai më telefonoi dhe më tha nuk kemi ushqim, nuk kemi furnizime, nuk kemi municione, ne jemi plotësisht të rrethuar, duhet të dorëzohemi. Aiden ishte shumë i vetëdijshëm për atë që po ndodhte, shumë i qetë”, tregoi miku i tij.

LEXONI GJITHASHTU:

• Këshilltari i Zelenskit: Ushtarët ukrainas nuk janë dorëzuar në Mariupol
• Rusia pretendon se mbi 1 mijë ushtarë ukrainas janë dorëzuar në Mariupol