Ilir Malindi, babai dhe avokati i Gentian Malindit i arrestuar si porositësi i 137 kg kokaine nga Ekuadori 2 vjet më parë, tha se kundër djalit të tij nuk ka asnjë prove dhe e gjitha është një skenar politik.

Në një deklaratë për mediat pas vendimit të GJKKO që e la në burg 46-vjeçarin, Malindi u shpreh se djali i tij është i pafajshëm dhe se luftoj deri në Strasburg dhe të gjitha shkallët e drejtësisë për këtë shkelje që është bërë sipas tij.

“Është një skenar politik se unë shpesh herë e kam kritikuar kryeministrin Edi Rama. Ai përmes Ardi Veliut u hakmor ndaj djalit tim. Nuk ekziston asnjë provë. Është një inskenim i plotë i SPAK që është pjesë e politikës shqiptare. Ne do të luftojmë deri në Strasburg, të gjitha shkallët e drejtësisë për këtë shkelje që është bërë”, tha Malindi.

46-vjeçari Gentian Malindi u vu në pranga dy ditë më parë, pasi u lokalizua se po lëvizte me automjetin e tij në afërsi të Urës së Gjolës, në Vorë.

Ai ishte në kërkim që prej vitit 2019 pasi dyshohet se është porositësi i 137 kg kokaine nga Ekuadori, sasi droge që  u kap në Portin e Durrësit.

Kokaina u pikas nga policia greke, të cilat bënë zëvendësimin e saj me oriz, në Portin e Pireut.

Më pas, u mbajtën nën vëzhgim lëvizjet e konteinerit deri në Durrës, për të zbuluar rrjetin e trafikut të kokainës.

LEXONI GJITHASHTU:

• Akuzohet se porositi 137 kg kokainë, momenti i arrestimit të Gentian Malindit
• Ekskluzive | Arrestohet Gentian Malindi, akuzohet se porositi 137 kg kokainë