Skënderbeu, 1 fitore në 5 javë| Gvozdenovic: Të gjithë kemi përgjegjësi

Vendi i katërt në kampionat, por me 1 fitore në 5 javët e fundit, janë statistika shqetësuese për trajnerin Ivan Gvozdenovic tek Skënderbeu. Korçarët përballen të shtunën me Erzenin në shtëpi, për llogari të javës së 15 në Superligë, por barazimi me përmbysje i Kukësit ka lënë një shije jo të mirë.

“Pjesa e dytë ishte dobët. Bëmë analizat pas ndeshjes, kemi mendjen vetëm ëpr ndeshjen me Erzenin. Për ne është e rëndësishme, kritika ka për Kukësin, por dhe gjëra pozitive. Përqëndrohemi vetëm tek Erzeni,” – tha Gvozdenovic.

Më tej, tekniku ka shtuar se me shijakasit do të luhet vetëm për 3 pikë.

“Me Erzenin mendoj vetëm për pikët, stafi, tifozët, lojtarët. Kemi dhe 4 ndeshje deri në fund të kësaj faze. Pastaj do shikojmë të tretën,” – tha ai.

Ndërrimet e shpeshta gjatë javëve të fundit në kampionat, nga ana e trajnerit shihen me sy pozitiv.

“Lojtarët kuptojnë që këto skemi ekipi 1 apo 2, por vetëm Skënderbeu. Do mendojmë rezultatin,” – u shpreh Gvozdenovic.

Skënderbeu renditet në vendin e katërt në kampionat, ndërsa në anën tjetër shijakasit në vendin e shtatë, ndërsa diferenca është vetëm 2 pikë.

LEXONI GJITHASHTU:

• “Skënderbeu” i paradës Kuq e Zi: Kali ishte racë arabe, i vështirë për t’u menaxhuar
• Superiorja/ Ndeshja Kukësi-Skënderbeu do luhet në Tiranë, shkak moti i keq