“Skënderbeu” i paradës Kuq e Zi: Kali ishte racë arabe, i vështirë për t’u menaxhuar

Shkëlzen Brahaj është personazhi i cili për 28 Nëntor mori pjesë në paradën e Shqiptarëve i veshur si Skënderbeu. Ai ishte i ftuar këtë të mërkurë në “Good Morning Albanians” për të folur për këtë eksperiencë të veçantë.

Ai tha se veshja e tij si Skënderbeu ishte rreth 12 kilogram e rëndë dhe mbajtja e saj për rreth tre orë ndërsa qëndronte mbi kal, ishte një sfidë më vete.

Gjithashtu Brahaj shtoi se kali ishte i racës arabe dhe i vështirë për t’u menaxhuar.

“Ishte siklet sepse kuajt janë kuaj arab që janë gjaknxehtë dhe lëvizjet i kanë të pakontrolluara, mund të dëmtonin dikë.

Nga zhurmat, motorët, veglat muzikore, shiu, ishte shumë e vështirë se kali ishte i shqetësuar. Parada zgjati diku 1 orë, por ne kemi hipur në kuaj dy orë më parë, se donim që të ambientoheshin me publikun, gati 3 orë kemi ndejtur sipër kuajve”,-tha Brahaj.

LEXONI GJITHASHTU:

• “Ismail Qemali” nga Mitrovica feston Pavarësinë në Tiranë: 20 vite që e bëj këtë rol
• Gazetari: Pa tifozët Kuq e Zi të Kosovës, stadiumi do ishte si varrezë