Skocia nuk mund të mbajë referendum për pavarësi, vendos gjykata britanike

Skocia nuk mund të mbajë një referendum për pavarësi pa pëlqimin e qeverisë së Mbretërisë së Bashkuar.

Ishte ky vendimi i marrë nga Gjykata e Lartë në Mbretërinë e Bashkuar këtë të mërkurë, shkruan BBC.

Ministrirja e parë e Skocisë Nicola Sturgeon dëshiron të mbajë një referendum më 19 tetor të vitit të ardhshëm. Por gjykata vendosi njëzëri se ajo nuk ka fuqinë për ta bërë këtë.

Ky vendim e kthen një hap prapa fushatën e qeverisë skoceze që synonte të largohej nga Mbretëria e Bashkuar.

Në vitin 2014, skocezët nuk pranuan t’i jepnin fund bashkimit më shumë se 300-vjeçar me Anglinë, duke votuar 55% kundër pavarësisë nga Mbretëria e Bashkuar në referendumin e mbajtur në atë kohë.

Mirëpo, aktivistët që kërkojnë pavarësinë, besojnë se referendumi do të kishte rezultate të tjera nëse mbahet sërish tani, dy vjet pas largimit të Mbretërisë së Bashkuar nga Bashkimi Evropian, gjë që skocezët e kishin kundërshtuar.

LEXONI GJITHASHTU

• Johnson niset për në Skoci për të dhënë dorëheqjen
• Largimi i Johnson, Skocia gëzon, Rusia nuk kursen kritikat
• Skocia planifikon mbajtjen e referendumit për pavarësi nga Mbretëria e Bashkuar