Sky News: Izraeli diskuton për armatosjen e disa civilëve në Gaza

Zyrtarët izraelitë thuhet se po diskutojnë armatosjen e disa civilëve në Gaza për të siguruar mbrojtje dhe siguri për autokolonat e ndihmave.

Sipas mediave të huaja, rendi civil është bërë gjithnjë e më i tensionuar në enklavën palestineze dhe javën e kaluar dhjetëra njerëz u vranë në një incident gjatë të cilit turmat rrethuan një kolonë kamionësh me ndihma.

Israel Hayom, i cili raportoi diskutimet mes zyrtarëve izraelitë, tha se civilët e armatosur nuk do të ishin të lidhur me grupet militante.

Është e paqartë se cilët mund të jenë këto grupe civilësh.

Gazeta shtoi se kryeministri Benjamin Netanyahu kishte shtyrë një vendim për këtë çështje, ndërsa zyra e tij nuk pranoi të komentonte mbi raportin.

LEXONI GJITHASHTU:

• Palestinezët në krizë ushqimore, ushtria amerikane dërgon më shumë ndihma në Gaza
• Bisedimet për armëpushim në Gaza, Blinken: “Topi është në fushën e Hamasit”