“S’mund ta pranonim presidentin si ministër propagande”, Noka pas seancës plenare

Deputeti i Partisë Demokratike, Flamur Noka tha për mediat se nuk do të mund ta pranonin presidentin e Republikës si ministër të propagandës së kryeministrit Rama.

Duke folur kështu pas seancës e cila zgjati vetëm pak minuta ku u votuan ministrat e rinj, Noka tha se prania e presidentit ditën e sotme në këtë seancë të parë të parlamentit, bëri që ai të kthehej në faktor destabilizimi.

“Erdhi sinjë ministër propagande. Sot presidentii Republikës, nuk është më faktor bashkues, ai erdhi si një ministër për të bërë propagandë për ashpërsimin e diktaturës dhe për mbylljen e çdo hapësire lirie.

Sot Edi Rama thelloi skandalin në marrëdhënie me opozitën. Presidenti i Republikës sot ishte një faktor destabilizues. Këto janë të gjitha arsye se përse opozita do vijojë aksionin pa ndalur. Absolutisht presidenti nuk mund të pranohet nga opozita si ministër propagande i qeverisë”,-tha Flamur Noka.

LEXONI GJITHASHTU:

• Mbyllet seanca plenare| Miratohen ndryshimet në qeveri, Ndreca betohet si deputet
• “Hiq gardën! Jemi vend kandidat për BE”, Nikolla-Bardhit: Ju doni destabilizimin