Sondazhi i tretë në Euronews Albania mbi prirjen e votës së shqiptarëve

Në orën 20:30, te Barometri Politik, me gazetaren Ilva Tare, do të ndiqni valën e tretë të sondazhit të kryer nga Euronews Albania në bashkëpunim me kompaninë MRB.

Si do të votojnë shqiptarët nëse zgjedhjet do të mbaheshin këtë javë dhe si kanë lëvizur përqindjet e partive në krahasim me 2 matjet e kaluara.

Përveç prirjes së votës, në emision do të ndiqni gjithashtu dhe përgjigjet e qytetarëve mbi llojin e qeverisë që duan, kë besojnë ata se do të fitojë zgjedhjet, pavarësisht votës që do të hedhin.

Sondazhi i dytë zgjedhor kombëtar i prezantuar në Euronews Albania në bashkëpunim me kompaninë prestigjioze MRB nxori në pah ngushtimin e diferencës së prirjes së votës mes Partisë Demokratike dhe Partisë Socialiste.

Sipas sondazhit të dytë prirja e votës ishte PS 39.9% (-1.9% nga 41.8%); PD 30.6% (+2.4% nga 28.2%) dhe LSI 9.1% (-1.2% nga 10.3%).

Ndërsa në sondazhin e parë të publikuar në Euronews Albania lidhur me prirjen e votës zbuloi se 41.8 për qind e shqiptarëve do të votonin Partinë Socialiste.

28.2 për qind do të votonin Partinë Demokratike, 10.3 për qind Lëvizjen Socialiste për Integrim, 1.5 % PDIU-në, ndërsa 2.1% partitë e tjera