Sondazhi zbulon nivelin e besimit të publikut rus te Vladimir Putin

Përqindja e besimit të qytetarëve rusë tek presidenti Vladimir Putin ra me 0.3% dhe arriti në 80.6%, sipas Qendrës Gjith-Ruse të Hulumtimit të Opinionit Publik, që publikoi rezultatet e një sondazhi të kryer nga 10 deri më 16 tetor, midis 1600 të anketuarve të moshës mbi 18 vjeç. .

“Kur u pyetën për besimin te Putini, 80,6% e të anketuarve u përgjigjën pozitivisht (-0,3% gjatë javës), shkalla e miratimit të punës së presidentit rus ishte 77% (+1,4% gjatë javës)”, vunë në dukje anketuesit, shkruan Tass.

Shifrat e vlerësimit pozitiv për kryeministrin dhe qeverinë ruse ishin respektivisht në 52.6% (+1.8%) dhe 52% (+2.2%)”, theksohet në raport.

Të anketuarit shprehën besimin e tyre edhe tek krerët e fraksioneve të ndryshme parlamentare.

Kreu i Partisë Komuniste të Rusisë (CPRF) Genadi Zyuganov u besua nga 34.7% e të anketuarve, Sergey Mironov, lideri i partisë “Një Rusi e Drejtë – Për të Vërtetën”, u vlerësua pozitivisht nga 31.9%, kreu i Partisë Liberal Demokratike të Rusisë (LDPR). Leonid Slutsky 17,6%, dhe kreu i partisë The New People Alexey Nechaev  8,5%.

LEXONI GJITHASHTU

• Vijojnë bombardimet në Ukrainë, Kremlini: Të hapur për bisedime
• Rusia mohon importimin e dronëve iranianë, DASH kërcënon me sanksione

• Rusët zbarkojnë në Bjellorusi, Ukraina frikë për sulme