Soreca në Tropojë: Bashkitë kanë rol të rëndësishëm në integrimin e vendit në BE

Në kuadër të ditëve të Evropës, Ambasadori i BE në Shqipëri, Luigi Soreca theksoi se “Bashkitë kanë rol të rëndësishëm për integrimin e vendit në BE”. Deklarata e diplomatit u bë në Tropojë në nisjen e takimeve promovuese për ditët e Europës.

“Kjo është ditë e rëndësishme edhe për Shqipërinë, sepse ajo është në Europë. BE, ka pasur kriza, dhe ne kemi mundur t’i kalojmë dhe t’ia nisim nga e para. Shqipëria si pjesë e Europës, do ta tejkalojë këtë krizë. BE ju ka qëndruar pranë, që nga dita e parë që nisi kriza me COvID. Unë shpresoj që ky integrim të ndodhë shumë shpejt pasi bashkitë në Shqipëri kanë një rol të rëndësishëm për integrimin në BE”, tha z. Soreca.

Takimi u zhvillua nën atmosferën e këngëve dhe valleve të zonës, ku qindra të rinj dhe të reja u mblodhën të Muzeu Historik në Tropojë. Kryebashiaku i qytetit, Rexh Byberi i dorëzoi ambasadorit Soreca titullin “Mirënjohje nga Tropoja”.

Të pranishem në takimin promovues të ditëve të Europës ishin edhe ambasadorët e Francës, Austrisë dhe Spanjës. Në kuadër të ditëve të Europës, Ambasadorët zhvilluan një sërë takimesh me të rinjte e Tropojës.