Sot Konferenca Ndëqeveritare në Bruksel mbi finalizimin e “Themeloreve”, Rama në Bruksel
Kjo audio është krijuar me AI për leximin e lajmeve.
Mund të ketë pasaktësi në shqiptim ose në theksimin e disa fjalëve.
Shqipëria dhe Bashkimi Evropian zhvillojnë këtë të martë në Bruksel Konferencën e 8-të Ndërqeveritare, një takim që konsiderohet kyç për vijimin e procesit të integrimit të vendit në familjen evropiane.
Takimi vjen në një moment të rëndësishëm për negociatat, pas përmbushjes nga Shqipëria të objektivave të ndërmjetme për grupkapitullin “Themeloret”, i cili përfshin çështje që lidhen me shtetin e së drejtës, drejtësinë dhe funksionimin e institucioneve demokratike.
Në fokus të konferencës pritet të jenë përcaktimi i hapave përmbyllës për Kapitullin 23, që lidhet me gjyqësorin dhe të drejtat themelore, si dhe Kapitullin 24, që trajton drejtësinë, lirinë dhe sigurinë. Po ashtu, diskutimet do të prekin reformën në administratën publike dhe kriteret ekonomike që lidhen me standardet e BE-së.
Delegacioni shqiptar do të drejtohet nga kryeministri Edi Rama, i shoqëruar nga përfaqësues të ekipit negociator. Konferenca pritet të nisë në orën 19:30 në Bruksel.
Ky zhvillim pason një seri takimesh ndërqeveritare mes Shqipërisë dhe BE-së, gjatë të cilave janë hapur disa grupkapituj negociues, përfshirë tregun e brendshëm, konkurrueshmërinë, axhendën e gjelbër, bujqësinë dhe marrëdhëniet e jashtme.
Konferenca e tetë shihet si një test i rëndësishëm për ecurinë e reformave dhe për ritmin me të cilin Shqipëria do të avancojë në fazat e ardhshme të negociatave për anëtarësim në Bashkimin Evropian.
Irlanda merr Presidencën e radhës të Këshillit të BE-së
Lëvizje në Policinë e Shtetit, emërime të reja në disa qarqe
Përplasje para Parlamentit, protestuesit qëllojnë me vezë makinat e deputetëve. Policia arreston Dritan Goxhajn
- 07:57 Ushtria izraelite përshkallëzon sulmet në zonat e Libanit jugor (VIDEO)
- 07:52 Anglia mposht 2-1 Republikën Demokratike të Kongos dhe kualifikohet në raundin e 16-tave
- 07:46 Shirat e rrëmbyeshëm godasin Bregun e Fildishtë dhe Ganën, 59 viktima dhe dhjetëra të zhdukur
- 07:38 Përfundojnë bisedimet SHBA-Iran në Doha, negociatat mbeten pa rezultate konkrete
- 07:33 Përmbysje e çmendur në minutën e 125-të, Belgjika eliminon Senegalin 3-2 dhe siguron kualifikimin
- 07:28 SHBA-të kualifikohen në raundin e 16-të duke mposhtur Bosnjën dhe Hercegovinën