Drejtuesi amerikan i fushatës së Partisë Demokratike, Chris LaCivita, ka shpërndarë mëngjesin e kësaj të premteje një video në platformën X, ku shfaqet një buf që ha një mi.
“Kush është bufi dhe kush është miu”, -shkruan LaCivita në postimin e publikuar.
Kujtojmë se kryeministri Edi Rama prej kohësh e quan kryetarin e Partisë Demokratike, Sali Berisha, buf kënete.
Ai madje edhe në zyrën e tij, ka vendosur një dekor bufi i cili duket në çdo video të kryeministrit në rubrikën “Sy m’sy”.
Vetë Sali Berisha është shprehur më herët se bufi në fakt është simbol i mençurisë, ndaj nuk ndihet i ofenduar nga krahasimi që kryeministri i bën atij me këtë shpend.
Partia Demokratike nis sot në orën 19:00 në sheshin ‘Nënë Tereza’ fushatën elektorale për zgjedhjet e 11 majit.
Kryetari i opozitës, Sali Berisha, do të jetë një nga folësit politikë, ndërsa tjetri që pritet të ketë një komunikim do të jetë edhe strategu i fushatës së Donald Trump, Chris LaCivita.
Who’s the “Owl” and who’s the mouse ….#Albania pic.twitter.com/A98EzZQ0VB
— Chris LaCivita (@ChrisLaCivita) April 10, 2025
LEXONI GJITHASHTU:
- “Po vjen sherifi!” – Rama ironizon ardhjen e La Civita: Turist, do marrë shumë para
- “PS, 61 deri në 64 mandate”, Koka bën llogaritë: Ja sa marrin partitë e tjera