Sot PD pritet të publikojë emrat e anëtarëve të Këshillit Kombëtar

Një ditë pasi Partia Demokratike mblodhi Kuvendin Kombëtar, ditën e sotme pritet të bëhen publike emrat e 300 anëtarëve të Këshillit Kombëtar, institucionit më të rëndësishëm drejtues të Partisë Demokratike.

Ata u votuan nga delegatët ditën e djeshme në Pallatin e Kongreseve. Kryetari i Komisionit Zgjedhor brenda PD-së, Jemin Gjana bëri me dije se në votime morën pjesë gati 70% e delegatëve.

Sipas Statutit nga 300 emra që do të publikohen sot, minimalisht 90 do të jenë gra dhe vajza dhe 45 të tjerë anëtarë të forumit rinor të PD-së.

Delegatët e Kuvendit Kombëtar të PD zgjodhën mes 600 propozimeve të kryedemokratit, ndërsa në mbledhjen e parë të tij, Këshilli do të zgjedhë drejtuesin e ri që do të zëvendësojë Bujar Nishanin, i cili dje mungoi në Pallatin e Kongreseve.

Ditën e djeshme, u miratuan gjithashtu edhe 11 propozimet e Lulzim Bashës, pa asnjë ndryshim nga Kuvendi Kombëtar.

LEXONI GJITHASHTU:

• Mark Marku në Kuvendin Kombëtar: PD në gjendje kritike, duhet strategji e re
• Kuvendi Kombëtar i PD-së, demokratët do të zgjedhin 300 anëtarët e Këshillit Kombëtar
• Kadilli: Shpresoj që ndryshimet në statut të bëhen realitet në Kuvendin Kombëtar