Vijojnë të jenë të bllokuara rrugët në veri të Kosovës nga barrikadat e vendosura nga pakicat serbe.

Gazetari Kosovë Gjoci raporton se gjatë orëve të fundit nuk ka pasur asnjë incident.

Sipas gazetarit sot pritet të hiqen barrikadat, pas takimeve të ndërkombëtarëve me kryeministrin Albin Kurti.

Barrikadat në dy pikat kufitare me Serbinë, Jarinjë dhe Bërnjak u ngritën më 10 dhjetor nga serbët lokalë, si shenjë proteste ndaj arrestimit të ish-policit serb, Dejan Pantiç, nga autoritetet e rendit në Kosovë.

Ky i fundit dyshohet se organizoi sulm terrorist në zyrat e Komisionit Qendror të Zgjedhjeve (KQZ) në veri të Kosovës.

Thirrje për largimin e barrikadave kanë bërë edhe ambasada e SHBA-së në Prishtinë dhe ajo në Beograd, duke thënë se arrestimi i Pantiqit po përdoret si justifikim për bllokime të paligjshme të rrugëve.

LEXONI GJITHASHTU:

• Yuri Kim: Do monitorojmë nga afër zgjedhjen e shefit të ri të SPAK-ut
• Kosovë, sot mbahet ceremonia e nënshkrimit të aplikimit për anëtarësim në BE
• Pas vizitës në Kosovë, Escobar dhe Lajçak udhëtojnë drejt Serbisë, takim me Vuçiç