Sot raportimi i fundit i Dumanit si Kreu i SPAK në Kuvend bashkë Çelën te “Ligjet”

Institucionet e drejtësisë do të zhvillojnë sot një mbledhje të përbashkët në Komisionin për Nismat Qytetare, Bashkëpunimin dhe Mbikëqyrjen Institucionale dhe atij të Çështjeve Ligjore dhe Administratës Publike. Në këtë mbledhje e cila nis në orën 10:00 pritet të raportohet nga institucionet e drejtësisë lidhur veprimtarinë e tyre.

Prokurori i Përgjithshëm, Olsian Çela do të prezantojë raportin mbi gjendjen e kriminalitetit për vitin 2024. Në mbledhje do të raportojë edhe kreu në largim i SPAK, Altin Dumani. Dumani pritet të raportojë mbi veprimtarinë e SPAK.

Ministri i Drejtësisë, Besfort Lamallari gjithashtu do të jetë i pranishëm ku do të paraqesë raportin vjetor mbi gjendjen e kriminalitetit për vitin e kaluar. Kreu i ILD-së, Artur Metani të hënën ishte duke raportuar në komisionin e Ligjeve ku foli lidhur me vrasjen e gjyqtarit Astrit Kalaja ku shprehu edhe shqetësimin për reagimet ekstreme ndaj gjyqtarëve dhe prokurorëve.

LEXONI GJITHASHTU:

• Profil/ 4 kandidatët zyrtarë të SPAK, figurat që janë në garë për vendin e Dumanit
• Zyrtarizohen 4 kandidatët për kreun e SPAK (EMRAT)