Sot seancë plenare, ministrat e rinj mbërrijnë në Kuvend

Për pak minuta pritet të nisë seanca plenare ndërsa deputetët kanë nisur të futen në ambientet e Kuvendit. Në këtë seancë do të marrin pjesë edhe ministrat e rinj pas dekretimit të presidentit Begaj të 7 ndryshimeve në qeveri.

Në seancë pritet votëbesimi i ministrave të cilët disa prej tyre kanë mbërritur në ambientet e Kuvendit.

Ministri i ri i Energjisë dhe Infrastruktures Enea Karakaç, ministri i ri i Mbrojtjes Ermal Nufi dhe ministri i ri Jashtëm, Ferit Hoxha janë parë duke hyrë në Parlament. Ata nuk kanë folur para gazetarëve.

Presidenti dekretoi të mërkurën emërimin në detyrë të:

Albana Koçiu-Zëvendëskryeministre;
Ferit Hoxha- Ministër për Evropën dhe Punët e Jashtme;
Besfort Lamallari- Ministër i Punëve të Brendshme;
Ermal Nufi- Ministër i Mbrojtjes;
Toni Gogu- Ministër i Drejtësisë;
Enea Karakaçi- Ministër i Infrastrukturës dhe Energjisë;
Erjona Ismaili- Ministër i Shtetit për Marrëdhëniet me Parlamentin