Spahiu: BE sheh raportin e TI për korrupsionin para se të hapë ‘thesin’ për fondet

Juristi Kreshnik Spahiu thotë se Bashkimi Evropian sheh raportin e Transparency International për luftën kundër korrupsionit, para se të japë fonde për Ballkanin Perëndimor.

Në emisionin “Now” në Euronews Albania, Spahiu u shpreh se çdo ministër apo investitor i huaj, i referohet këtij raporti para se të vijë në Shqipëri.

“Ky është një realitet shumë i hidhur, por është i vërtetë. Ky nuk mund të themi që është rapoirti më i mirë, por i vetmi, raporti më profesional që zhvillohet në të gjithë planetin. Qytetarët duhet të kenë parasysh që çdo qeveri, çdo ministër i huaj, kur vjen në Shqipëri, informacioni i parë që merr për Shqipërinë, është ky raport.

Çdo kompani, investitor, para se t’i hypë avionit, i referohet këtij raporti. BE, para se të hapë thesin me para për Ballkanin Perëndimor se kujt do t’i japë më shumë projekte, i referohet këtij raporti”, theksoi ai.