Juristi Kreshnik Spahiu tha se ndaj kryeministrit Edi Rama duhet të hapet procedim penal nëse verifikohet që ka udhëtuar me charter për arsye personale dhe jo për të përfaqësuar Shqipërinë.

Në një intervistë për Euronews Albania, Spahiu theksoi se udhëtimet që bëjnë kryeministri dhe ministrat duhet të bëhen transparente për publikun shqiptar.

“Rama  nuk mund të injoroj opozitën shqiptare, nuk mund të fshihet pas akuzave që unë nuk i përgjigjem Berishës. Unë mendoj se transparenca e shpenzimeve për transportin e kryeministrin dhe ministrave duhet bërë.

Unë kam një pyetje, këto udhëtime Rama i ka bërë që të shkojë në plazh apo të shkojë për të përfaqësuar Shqipërinë.  Nëse ka shkuar në plazh me charter me bashkëshorten e familjen ndaj tij duhet të hapur procedim penal”- tha ai.

LEXONI GJITHASHTU: 

• “Qëndrim dinjitoz”, Spahiu: Rama reagoi për imazhin e gabuar të shqiptarëve në Angli
• Destinacioni i fundit i Ballkanit, skuadra e Ilir Dajës mbyll aventurën europiane