Spahiu: Ja pse Presidenti SHBA Biden refuzoi takimin me Albin Kurtin

Juristi Kreshnik Spahiu ishte i ftuar në një lidhje direkte për Euronews Albania ku tha se presidenti amerikan refuzoi ta takonte kryeministrin e Kosovës, Albin Kurtin.

Ai tha gjithashtu se ambasadori amerikan e nxorri bllof kryeministrin Kurti duke thënë se do të jetë SHBA-ja ajo që do të garantojë sigurinë e kufijëve të Kosovës pas nënshkrimit të asociacionit dhe se komunat serbe nuk do të guxojnë të shkëputen, të krijojnë autonomi brenda sovranitetit të Kosovës.

“Ambasadori amerikan i shteteve të Bashkuara të Amerikës, zyrtarisht ka nxjerrë bllofin më të madh të kryeministrit Kurti.

Ai tha se frika për të nënshkruar Asociacionin se ai mund të shndërrohet në të ardhmen në ndryshim kufijsh si autonomi apo si republikë Serpska brenda Kosovës nuk ekziston pasi këtë e garanton dhe nuk e njohin shtetet e Bashkuara të Amerikës, ne si SHBA jemi garant se komunat serbe nuk do të guxojnë të shkëputen, të krijojnë autonomi brenda sovranitetit të Kosovës.

Pra të gjithë propagandën e Albin Kurtit e nxorri bllof sot ambasadori i SHBA. Pra kjo do të thotë se nuk është Albin Kurti garant për kufijtë e Kosovës, por garant është SHBA, NATO dhe Bashkimi Europian”,-tha Spahiu.

LEXONI GJITHASHTU:

• Udhëhiqej nga 2 shqiptarë, shkatërrohet rrjeti kriminal i trafikut drogës në Spanjë
• Projektligji për shtetësinë/ Balla: Qytetarët e Kosovës mos të testohen për gjuhën