Prokuroria e Posaçme ka dhënë detaje rreth operacionit ndërkombëtar antidrogë të koduar “Muratori” që çoi në shkatërrimin e një rrjeti ndërkombëtar të shpërndarjes së kokainës në Evropë, pjesa më e madhe e të cilëve ishin shqiptarë.

Në kuadër të këtij operacioni bëhet me dije se u arrestuan 67 të dyshuar, në Shqipëri, Itali, Gjermani, Spanjë, dhe Mbretërinë e Bashkuar, dhe ndaj 12 të dyshuarve të tjerë u ndërmorën masa të tjera parandaluese në Itali.

SPAK bën me dije se rrjeti kryesisht trafikonte heroinë, kokainë, hashash duke përdorur makina me dysheme të dyfishtë ose ndarje të fshehta.

Operacioni i sotëm ka çuar në sekuestrimin e pasurive në vlerën 5 milionë euro, bën me dije SPAK.

“Vitin e kaluar, gjatë një operacioni kundër të njëjtit grup të krimit të organizuar u arrestuan në Shqipëri 21 shtetas shqiptarë. Ky operacion çoi gjithashtu në sekuestrimin e një sasie narkotikësh me vlerë prej 2.7 milionë eurosh. Operacioni i sotëm ka çuar në sekuestrimin e pasurive në vlerën 5 milionë euro. Në Shqipëri janë sekuestruar: 32 subjekte tregtare, 45 automjete, 4 motomjete, mbi 200 llogari bankare, 19 pasuri te paluajtshme”, thuhet në njoftimin e SPAK.

LEXONI GJITHASHTU:

• Bunkerë të fshehtë për kokainën, pamjet e operacionit kundër trafikantëve shqiptarë
• Goditja e bosëve shqiptarë të kokainës në Europë, sekuestrohen 200 llogari bankare