SPAK-u zgjedh zëvendësin e Arben Krajës

Prokurori Altin Dumani është zgjedhur zv.drejtori i Prokurorisë së Posaçme Anti Korrupsion (SPAK).

Gjatë mbledhjes së zhvilluar ditën e djeshme, prokurorët e SPAK-ut propozuan në mënyrë unanime që Dumani të rizgjidhej në këtë post.

Pas propozimit, drejtuesi i SPAK-ut, Arben Kraja vendosi që Dumani të shërbejë si zv.drejtor për dy vitet e ardhshme.

Altin Dumani vjen nga radhët e Prokurorisë së Apelit dhe është një nga prokurorët që drejtoi i pari njësinë Task Forcë, ngritur vite më parë për të luftuar krimin e jakave të bardha.

Ai u bë drejtues prokurorie për herë të parë në Tropojë, në vitin 2000 si dhe është një ndër prokurorët që hetoi tragjedinë e Gërdecit.

LEXONI GJITHASHTU

• KLP çon në rekurs pezullimin e 2 prokurorëve të SPAK
• SPAK godet sërish vetingun, merret e pandehur anëtarja e KPK Etleda Çiftja