‘Spanja patjetër do e respektonte njohjen e pasaportave’, Abazi: Kurti po manipulon

Deputeti i Kuvendit të Kosovës, Haki Abazi tha se nuk është për t’u habitur fakti që Spanja ka njohur pasaportat e Kosovës pasi në momentin që bëhet liberalizimi i vizave çdo shtet i BE duhet ta respektoj si vendim.

Në një intervistë për Euronews Albania, ai theksoi se do ishte gjë e madhe sikur Spanja të njihte Kosovën.

Mes tjerash ai pati kritika dhe për kryeministrin Albin Kurti duke theksuar se ky i fundit po bën deklarata manipuluese.

“Qëndrimi i Spanjës ndryshon në momentin që Kosova përfshihet në të drejtën e lëvizjes së lirë në zonën Shengen gjë të cilën duhet patjetër ta respektojë dhe Spanja. Është e çuditshme që një gjë kaq teknike. Sigurisht do ishte  gjë e madhe sikur Spanja të levizte drejt njohjes së pavarësisë së Kosovës.

Kemi të bëjmë me një sfidë të jashtëzakonshme përsa i përket njohjes së vërtetë të pavarësisë së Kososvës. Kjo është në retorikën që kryeministroi Kurti në pamundësi dhe në mungesë të plotë të rezultateve, sikur merr çështjen nga bishti, i bën çështje prioritare, më shumë për manipulim të diskursit publik se sa përmbatjes që bën në vete një gjë e tillë”-tha ai.

LEXONI GJITHASHTU: 

• Kanosi me një armë lodër 40-vjeçarin, arrestohet i riu me precedentë penal
• Plagosje, tritol, vjedhje e shkatërrim prone, arrestohet 28-vjeçari në Shkodër