Spanja rrit çmimin e vajit te ullirit, shkak ulja e prodhimit

Thatësira e shkaktuar i nxehti ekstrem ka përgjysmuar prodhimin e vajit të ullirit në Spanjë. Kjo ka bërë që çmimi të rritet me 112% krahasuar me vitin e kaluar. Një nga fermerët, Jesús Anchuelo, deklaron se kanë pësuar humbje dhe pavarësisht se çmimet rriten çdo dy javë nuk arrijnë të mbulojnë koston e prodhimit.

Litri i vajit të ullirit në dyqanet spanjolle është rritur me 52.5% përgjatë këtij viti, shumë mbi mesataren evropiane. Më e larta nga vendet e tjera prodhuese si Italia, Greqia dhe Portugalia.

Rritja e çmimit po prek edhe produkte të tjera që kanë përbëres vajin e ullirit si konservat.

Spanja eksporton 70% të prodhimit të saj.

“Në Spanjë jemi mësuar që çmimet e vajit të ullirit të jene më të ulëtat krahasuar me vendet e tjera. Dhe ajo që ka ndodhur është se në Spanjë, ku çmimet ishin më të ulëta, tashmë kanë lëvizur në përputhje me çmimet italiane, me të njëjtat çmime që paguahet në Shtetet e Bashkuara, në Francë, në Greqi…”, deklarojnë qytetarët.

Edhe prodhimi i këtij viti pritet të jetë i ngjashëm me të një viti më parë. Një ulje e çmimit të vajit të ullirit do të vijë vetëm si pasojë e një rritje të prodhimit. Kjo, nëse ndryshimet klimatike do u japin “armëpushim” vendeve mesdhetare.

LEXONI GJITHASHTU:

• Vaji i ullirit kërkohet jashtë, Shqipëria zgjeron eksportin dhe fitimet
• Fermeri: Me vajin e ullirit e konkurrojmë edhe Greqinë