Spanja ‘thahet’ për ujë, mungesa e shirave zbraz rezervatet, qytetarët e blejnë ujin

Në jug të Spanjës nuk bie shi prej muajsh dhe thatësira po shtrihet, sidomos në Andaluzi, në veri të qytetit Kordoba.

Në këtë rajon, rezervati ujor është thuajse bosh. Kompanitë që menaxhojnë ujin detyrohen ta tërheqin atë nga një liqen tjetër, i ndotur nga mbeturinat e hedhura nga fermerët.

Rrjedhimisht, uji i pijshëm është i rrezikshëm për t’u konsumuar dhe popullsia furnizohet me autobot.

“Nuk e kisha idenë se sa ujë duhej për një person në shtëpi derisa na u desh të mbushnim shishet dhe ta blinim ujin”, thotë një grua.

“Nuk është normale që kjo të ndodhë në shekullin e 21-të, por duhet të përballemi me të”, shprehet një burrë.

Situata ka pasoja edhe për restorantet dhe furrat e bukës, që varen nga këto furnizime dhe nuk mund ta bëjnë detyrën e tyre si duhet.

LEXONI GJITHASHTU:

• Macron plan për ujin, njofton kufizimin për të luftuar thatësirën
• Franca kërcënohet me një thatësirë ​​më të madhe se vitin e kaluar